በኮንስትራክሽን ዘርፍ የተሰማሩ ማህበራት በተለያዩ የልማት ስራዎች ላይ እንዲሳተፉ ጥሪ ቀረበ

---

የአዲስ አበባ ሥራና ክህሎት ቢሮ በኮንስትራክሽን ዘርፍ ከተሰማሩ ዕጩ ተመራቂ ማህበራት ጋር በተለያዩ ጉዳዮች ላይ ተወያይቷል።

በውይይቱ በዘርፉ የተሰማሩ ማህበራት የማጥራት እና ዕጩ ተመራቂዎች ምልመላ ሂደት ላይ ገለፃ የተደረገ ሲሆን በኮሪደር ልማት ስራ ላይ ያላቸውን ተሳትፎ ማሳደግ በሚችሉባቸው ጉዳዮች ላይ ውይይት ተካሂዷል።

በቢሮ ኃላፊ ደረጃ የኢንተርፕራይዝና ቴክኖሎጂ ልማት ዘርፍ ኃላፊ #አቶ መክብብ ወ/ሀና በውይይቱ ማጠቃለያ በሰጡት አስተያየት ከልማዳዊ አሰራር በመውጣት እና ህጋዊ አሰራርን በመከተል በኮንስትራክሽን ዘርፍ የተሰማሩ ማህበራት በገበያ ትስስር ብቻ ሳይሆን በከተማዋ እየተከናወኑ ባሉ የተለያዩ የልማት ስራዎች ላይ እንዲሳተፉ ጥሪ አቅርበዋል።

በውይይቱ የተሳተፉ ማህበራት በቀጣይ በስድስተኛው ዙር የአረንጓዴ አሻራ የማሳረፍ መርሀ ግብር ላይ እንደሚሳተፉ አረጋግጠዋል

.